Curriculumaten aldaketa berria

Duela hilabete batzuk, Espainiako Hezkuntza Saileko ministroa den Jose Ignacio Wert-ek, estatu osoan komunak izan behar ziren eduki batzuk finkatzeko asmoa adierazi zuen, hainbat politikari eta kolektiboren kritikak eraginez.

Badirudi, azkenean ez dela hain aldaketa sakonik egingo eta ez direla eduki komun gehiagorik inposatuko.

Edonola ere,  estatuko gobernuak orain arte egindako hezkuntzaren murrizketa ekonomikoekin konformatzen ez dela ematen du eta Curriculumaren aldaketa bat egiteko proiektua daukate eskuen artean. Aldaketa honek ikasgai instrumentalen inguruan (gaztelera, ingelera, matematikak eta zientziak) zehaztasun handiagoak emango ditu gutxienezko orduak finkatzerakoan eta irakatsi behar diren edukiekin lotutakoak.

Legislazio bakoitzak dakartzan etengabeko Curriculum ofizialaren aldaketak ez ditu emaitza akademikoak hobetiko ezta PISA txostenaren balorazioa igoko. Haibeste aldaketek, ikasleengan, irakasleengan eta hauen bizitza kalitatean izango dute eragina.

Curriculuma ez da txandakatu daitekeen jostailu bat eta mesedegarria izango litzateke hau babestuko duen nolabaiteko lege edo dekreturen bat ekoiztea.

Iturria: http://sociedad.elpais.com/sociedad/2012/11/27/actualidad/1354045771_416568.html 

Hezkuntzaren presioa

Heloween taldeak I want out (1988) Hezkuntza sistemak sortutako presioa salatu zuen, beste talde handi batzuen estela jarraituz (Pink Floyd eta bere The Wall famatua esate baterako).

Gaur egungo hezkuntza aztertzen badugu errekurtsoak ugaritu egin dira eta neurri handi batean prozesua digitalizatu egin da baina klaseak emateko estiloak berdin jarraitzen dute eta umeek duela 25 urteko umeek bezain beste estres edo are gehiago jasan behar dute.

Autokritika pixka bat

Azken bolada honetan krisialdiaren murrizketak direla eta ez direla, Hezkuntza arloari dagozkion injustiziak salatzeko manifestaldiak egin dira eta hainbat ikasle atera dira kalera Gobernuaren politikaren aurkako protesta egiteko. 

Orain arte, kausa-efektuko legeari jarraituz, erreakzio masibo hori normala dela esan daiteke baina arazoa ikasle hoiek klasean duten jarrera aztertzean aurkitzen dugu. 

Hezkuntzaren kalitatea mantentzea aldarrikatzen duten ikasle hoietariko batzuek, klase osoa albokoarekin hizketan pasatzen dute  eta berdin zaie irakaslearen azalpena edo klasekideen aurkezpena izorratzea.

Seguruenik, gurasoek ordainduko dizkiete ikasketak pertsona hauei eta ez daukate klasekideekiko edo irakasleekiko inolako errespeturik.

Hau ikusita, galdera baten inguruan gogoeta bat egitea eskatuko nuke:

ZERGATIK ALDARRIKATZEN DUZUE MEREZI EZ DUZUEN KALITATEZKO HEZKUNTZA?

Nire ustez horrelako pertsonek urte batzuk pasatu beharko lituzkete zoruak garbitzen edo adreiluak ipintzen, klasera beste jarrera batekin etortzeko.

Justizia

Biolentzia erabili beharreko azken errekurtsoa izan behar da beti eta ez bada erabiltzen askoz hobe. Hala ere kasu batzuetan ez dago beste erarik gauzak konpontzeko. hona hemen Casey Heines australiarraren historioa.

Ez dugu ikasten II

Aurreko sarrerarekin lotuta Bullying-aren gaiaz hitz egiten duen Rise Against taldearen abesti bat jartzea bururatu zait, Make it stop deiturikoa.

Ez dugu ikasten

Jendeak arreta handia eskeintzen edozein modutako denborapasa edo entretenimenduari, adibidez futbola, prentsa arrosa, reality-ak...

Beste gauza batzuk berriz agertzen diren momentu puntualetan bakarrik deitzen dute arreta. Hau da Bullying-aren kasua eta zoritxarrez berriro dago albistegietan.

Ziur nago momentu honetan kasu asko egongo direla baina nik Amanda Todd gaztearen istorioa kontatuko dut.

13 urteko gazte normal bat bezalaxe, web kameraren bitartez lagunekin harremanetan egoten zen. Denborarekin liraina eta polita zela esaten zioten pretsona ezezagunen arreta erakarri zuen eta hauek bularrak erakustea eskatu zioten. Urte bat georago erakutsi zituen presioaren ondorioz eta momentu hartan bere ametsgaiztoa hasi zen. Ezezagunek gehiago erakusteko txataia egin zioten eta azkenik neskaren irudiak interneten eskegi zituzten. Lagunak galdu zituen (Batzuek traizio egin zioten) eta alkoholaren eta drogen besoetan erori zen.

Bere istorioa Youtube-n eskegitako bideo baten bidez kontatu zuen txartel batzuen bidez eta azken esaldia benetan hunkigarria dela uste dut: "Ez daukat inor. Norbait behar dut. Nire izena Amanda Todd da".

Bere gorpua pasa den asteazkenean aukitu zuten. 15 urteko neska honek bere buruaz beste egin zuen.

Bideoa:

Iturria: http://pordescargadirecta.com/showthread.php?t=547420

Ekialdeko haizea

Munduan era guztietako pertsonak daude, batzuk onak, besteak txarrak, beldurtiak, adoretsuak... Malala Yusufzai azken hauetarikoa da zalantzarik gabe.14 urteko neskatxa pakistandar hau duela 3 hasi zen BBC katearentzako blog bat idazten. Bertan errepresio talibanak Swat-eko haranean eragiten zuen egoera latza kontatzen zuen izen faltsu batekin eta erregimen hau boteretik kentzean bere benetako izena jakinarazi zuen.

Harrez geroztik oso ezaguna egin da neska pakistandarrek hezkuntzarako duten eskubidearen defendatzaile sutsua izan delako eta honegatik saritua izan da.

Hala ere Malalabeldurra pasatu du eta hala ikus daiteke bere blogeko egunerokoan:

http://www.el-nacional.com/bbc_mundo/Malala-Yousafzai-atrevio-criticar-Taliban_0_60594000.html

Urriak 11an, eskolatik irten eta etxera zihoanean bi tiro jaso zituen, bata buruan eta bestea lepoan, milizia pakistandar taliban elkarte baten izenean. Oraingoz bizirik dago Ingalaterran eta medikuek baikortasunez ikusten dute neskaren etorkizuna.

Malala beldur zen, beste hainbat pertsona bezala. Hala ere justiziaren eta bidezkoa zenaren alde egiteko adorea izan du eta horregatik begirunez eta errespetuz eskaini nahi izan diot sarrera hau.

Iturriak:
http://www.el-nacional.com/bbc_mundo/Malala-Yousafzai-atrevio-criticar-Taliban_0_60594000.html
http://www.europapress.es/internacional/noticia-malala-yousafzai-trasladada-reino-unido-recibir-tratamiento-20121015075915.html